ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თსუ იურიდიული ფაკულტეტის საკონსტიტუციო სამართლის მიმართულების ინიციატივით, 26 მაისი - ქართული სახელმწიფოს გამორჩეული ეროვნული დღესასწაული, იურიდიულ ფაკულტეტზე საიუბილეო სტუდენტური სამეცნიერო კონფერენციით აღინიშნა.
კონფერენციას ესწრებოდნენ: იურიდიული ფაკულტეტის დეკანის მოადგილეები: პროფესორი ირმა ხარშილაძე და ასისტენტ-პროფესორი გიორგი დგებუაძე, საკონსტიტუციო სამართლის მიმართულების წევრები: პროფესორი ნანა ჭიღლაძე, თორნიკე გოგისვანიძე, ნუცა ქაშაკაშვილი, თორნიკე ნემსწვერიძე, სტუდენტები და დაინტერესებული პირები.
კონფერენციაში მონაწილე სტუდენტებმა, ექვსი თემატური პანელის ფარგლებში - თითოეული რამდენიმე მოხსენებას მოიცავდა, წარმოადგინეს პირველი რესპუბლიკის მოღვაწეების საქმიანობა ქართული სახელმწიფოსა და კონსტიტუციური ინსტიტუტების დამკვიდრებაში და დაუკავშირეს ამ ეპოქის სულისკვეთება თანამედროვეობასა და მომავალ პერსპექტივას.
პანელური თემები:
I პანელი
სახელმწიფოს მახასიათებლები „მცოდნე კაცების“ მოღვაწეობაში
II პანელი
ძირითადი უფლებები და მათი დაცვა - პირველი რესპუბლიკის გამოწვევა
III პანელი
სახელმწიფოს ფორმა - აზრთა ჭიდილი და არჩევანი ქართული კონსტიტუციონალიზმის გარიჟრაჟზე
IV პანელი
არჩევნები, მისი მნიშვნელობის აღქმა და თავისებურებები
V პანელი
საპარლამენტო უზენაესობის შუქჩრდილები პირველი რესპუბლიკის რეალობაში
VI პანელი
აღმასრულებელი ხელისუფლების სტატუსი და დატვირთვა 1918-1921 წლების მოაზროვნეებისა და „დამფუძნებელი მამების“ თვალით.
საკონსტიტუციო სამართლის მიმართულება აქტიურად გააგრძელებს სტუდენტურ/სამეცნიერო აქტივობების მხარდაჭერას და სამომავლოდ, სტუდენტებს მრავალ სიახლეს ჰპირდება.
